***Tatagalugin ko lang ang isusulat ko para sa araw na ito para naman mapaiba. [inspired by suzzy...hahahaha]

Ako'y kumuha ng UPCAT kanina ng walang kaalam-alam. Hindi ako handa kaya sobra akong kinabahan kanina bago pa man magsimula ang pagsusulit. Hindi kasi ako nakapag-aral nang mabuti buhat na rin ng sobrang katamaran. Nang nangangalahati na ako sa pagsagot sa pagsusulit ay unti-unti kong nararamdaman ang pagkabali ng likod ko't leeg. Parang gusto ring dumugo ng aking ilong kanina sa hirap ng mga tanong sa matematika. [kabaliw!!] Nang sa wakas ay natapos na ang pagsusulit, ako'y lubusang nagsisisi kung bakit hindi ko lang man sineryoso ang pag-aaral para sa UPCAT kanina. Himala na kung makapapasa pa ako. Pinapangako ko sa aking sarili na sa susunod na kukuha ako ng pagsusulit sa ibang unibersidad ay maghahanda man lamang ako kahit kaunti at nang may baunin naman akong bala sa susunod na giyera. Hanggang dito na lang at kailangan ko nang magpahinga.


***about the pic: I find it cute and appropriate for what I felt a while ago when I took the UPCAT.... @_@
Photo source: www.fotosearch.com

+++margieq+++